الا ليت الزمان يرجع واراوي لليالي تــدور && ويـرجـع وقتنا الاول وننعم في بساطـتنا
زمان اول احس انه زمان فيه صدق شعور && نـحب ونـخـلص النيه وتـجـمعنا محبــتنا
زمان مـافيه لاغيبه ولاحــتى نفــاق وزور && ياليته بس لو يرجع ونسترجع طفولــتنا
صغـار قلوبنا بيضاء نعيش بعالم محصــور && ولا نعرف أبد أغراب مغـــير عيال حـارتنا
صحيح صغار في التفكير لكن ماعلينا قصور && نخطط نكسر اللعبه وتسعدنـــا شقـــاوتنا
نروح المدرسه بـدري ونضحك داخل الطابـور && نحــاول نزعج العالــم في روحـتنا و جيـتنا
وعشان نأخر الحصه نخبي علبة الطبشـور && نشــاغب بـس فـي الاخــر تميزنـا بـرائـتنا
نحب الضحك والهيصه نحب ننط فوق السور && نفرفش ليه مانفرفش مدام الضحك عادتنا
ولكن دارت الايام وبان الخافي المستور && وصـار الهم متعــلـي عـلى قـمـة سـعادتنا
كبرنا وصارت الدنـيا تصف احزاننا بالدور && وتهدينا الالم والهم غصب عن عين رغبتنا
تعبنا من بلاوينا احد ضيق واحد مقهـور && وكــلـن غــارق بـهـمـه وبـالاخــر تـشـتــتنا
وانا مااقول غير الا ياليت ان الزمان يدور && ويـرجـع للـوراء فــترة نـعـدل وضـع عيشـتنا
يمكن القصيدة قديمة شوي بس اليوم قريتها وشفت صورة لي وانا صغير وتذكرت أيام الطفولة وطيبة قلوب الاطفال وصفاء نياتهم .. تذكرت تلك الايام التي لا نحس بالهم او المسؤوليات .. كنا ما نحس بمشاكل الحياة ولا الدنيا لانها كانت لا تعنينا بشي .. كان همنا كيف نلعب و وشلون نضحك ونفكر باختراع طريقة لدلع الحين العوض بعيالنا ان شاء الله .. لانها راحت علينا ما نبي نقلبها بكاء وحزن الحين بس الماضي له ذكريات جميله جدا وحاضرنا يمكن قاسي علينا شوي والله يعينا على المستقبل ( المستخبي ) ما ابي اكدر اجوائكم عطونا ارئكم بالقصيدة وذكريات الماضي والطفولة وبالقصيدة لا تنسون ..
السبت 23 فبراير 2008, 8:30 pm
.. بإنتظار الجديد..
